Tratamenduak
INPLANTOLOGIA
Inplanteen tratamenduei esker, konplexurik gabe irribarre eginarazten diegu gure pazienteei, eta haien bizi-kalitatea hobetzen dugu.
Hortzetako inplanteak galdutako hortzak edo haginak edo egoera berreskuraezinean daudenak ordezkatzen dituzte.
Hortzetako inplantea protesi kirurgiko biobateragarria da, eta haren funtzioa sustrai bat artifizialki imitatzea da. Hiru zati ditu:
Gorputza: titaniozko gailua da, eta maxilar hezurrean edo masailezurrean lotzen da, pilareari eusteko funtzioa betez.
Pilarea: gorputza koroarekin lotzen duen bitarteko pieza da.
Koroa: hortz naturala imitatzen duen pieza da. Beraz, zati ikusgarria da, eta galdutako funtzionaltasuna eta estetika emango dizkigu.
AKOIra lehen bisitan, pazientearentzako tratamendu-plan egokiena eskainiko da. Inplanteen bidezko tratamendua behar izanez gero, 3 dimentsioko ikuspegia egingo dugu, inplanteen kopurua, neurriak eta angeluazioak zehatz-mehatz jakiteko.
Kirurgia egiteko unea iristen denean, anestesia lokala jarriko da, prozesu horretan eragozpenik sor ez dadin.
Biomekanikoki berehalako kargako inplanteak jar badaitezke, pazientea saio bakar batean aterako da kontsultatik inplantea eta koroa jarrita. Bestela, inplanteak osteointegratu egin beharko du (inplantearen eta hezurraren arteko bateratze-prozesua), eta koroa jarri ahal izateko beharrezko egonkortasuna lortu; osteointegrazio horren iraupena 10 eta 12 aste bitartekoa da.
Aukera seguruena eta estetikoena da, funtzio guztietan hortz naturalak ordezkatzen baititu.
Hezur-galera saihesten du, hezurrean odol-irrigazioari eusten baitio.
Zailtasunik gabe hitz egin eta elikagaiak mastekatzeko aukera ematen du.
Inplanteen mantentze-lana pieza naturalena bezalakoa da.
